Vinnudagur laugardaginn 16.maí

Með vorinu er komið að hinum árlega vinnudegi.

Að venju verður lögð áhersla á að ryðhreinsa gámana, grunna þá og mála ásamt tiltekt í aðstöðunni og snyrtingu á nánasta umhverfi.

Ýmis önnur verkefni liggja einnig fyrir, áframhaldandi vinna við að leggja tjörupappa á þök gámanna, opnun á gólfi í gám 15 til að gera op rotþróar aðgengilegt, fjarlægja leifar steinbekkjarins sem var eyðilagður í fyrra svo eitthvað sé nefnt.

Félagsmenn sem hafa tök á mega endilega taka með sér verkfæri og áhöld sem þeir telja að gætu gagnast við vinnuna (s.s. skóflu, stiga, framlengingarsnúrur oþh).

Grillveisla í lokin að venju þar sem Valli grillmeistari töfrar fram kræsingar að sinni alkunnu snilld.

Við treystum á að veðurguðirnir verði okkur hliðhollir, en ef svo fer ekki höfum við laugardaginn 30.maí sem vinnudag til vara.

Mæting kl.10.

Vonumst til að sjá sem flesta og munið að margar hendur vinna létt verk.

Nefndin