Question 1

Hvernig gerist ég meðlimur í klúbbnum?

Accepted Answer

Upplýsingar um nýskráningu í klúbbinn má finna hér.

Question 2

Fæ ég aðgang að bátum og búnaði við inngöngu í klúbbinn?

Accepted Answer

Þú færð ekki aðgang að aðstöðu klúbbsins (og þar með bátum og búnaði) til að fara á sjó á eigin vegum fyrr en eftir 1 ár í klúbbnum.

Kayakklúbburinn lánar báta til allra meðlima til afnota í félagsróðrum, en óheimilt er að nota báta eða búnað klúbbsins utan Geldinganess.Fyrir róðra frá Geldinganesi er hægt að fá lánaða báta, árar, svuntur, og eitthvað er til af blautgöllum og vatnsheldum toppum.Búnaðurinn er hugsaður fyrir byrjendur og við hvetjum þá sem vilja stunda sportið til að koma sér upp eigin búnaði með tíma og ástundun.Í undantekningartilfellum getur stjórn heimilað notkun klúbbbáta og búnaðar í ferðir og annað utan Geldinganess.

Question 3

Hvenær og fyrir hverja eru félagsróðrar klúbbsins?

Accepted Answer

Sumartími: Maí - SeptemberFimmtudaga kl. 18:00Vetrartími: Október-AprílLaugardaga kl. 10:00Ath. þetta eru brottfarartímar, gott er að mæta 30mín fyrrFélagsróðrar eru fyrir þá sem vilja róa í frábærum félagsskap um sundin blá og eru orðnir 18 ára.Æskilegt er að hafa lokið byrjendanámskeiði og farið í nýliðaróður áður en mætt er í félagsróður. Ef það er hvorki byrjendanámskeið né nýliðaróður í boði þá hvetjum við þig að hafa samband við okkur.

Question 4

Hvenær eru sundlaugaræfingar?

Accepted Answer

Sundlaugaræfingar eru á sunnudögum á veturna. Nánari upplýsingar má finna í dagskránni hér á vefnum eða í Abler.

Question 5

Get ég geymt kayakinn minn hjá klúbbnum?

Accepted Answer

Kayakkklúbburinn býður upp á bátageymslu til leigu fyrir kayaka klúbbmeðlima í Geldinganesi.Árgjald fyrir geymslu á sjókayak er 13.000 kr.Nánari upplýsingar má finna hér.Athugið að greiða þarf árgjald klúbbsins til að tryggja rétt á geymslu.

Question 6

Get ég fengið aðgang að aðstöðunni í Geldinganesi?

Accepted Answer

Þú getur fengið aðgang ef þú leigir geymslupláss eða ef þú hefur verið meðlimur í klúbbnum í a.m.k. 1 ár.Nánari upplýsingar má finna hér.

Question 7

Fyrir hvern er Kayakklúbburinn?

Accepted Answer

Alla þá sem hafa dálæti á kayakróðri á sjó, vötnum og straumám.

Question 8

Hvað kostar að vera meðlimur í Kayakklúbbnum?

Accepted Answer

Árgjaldið er 8.000 kr.
Gjaldið er innheimt á vorin en nýir meðlimir greiða við inngöngu í klúbbinn.

Question 9

Hvar er Kayakklúbburinn staðsettur?

Accepted Answer

Aðsetur klúbbsins er við suðurenda eiðisins út á Geldinganes í Grafarvoginum.
Þar er klúbbaðstaðan okkar og bátageymsla staðsett og þaðan eru farnir hinir vikulegu félagsróðrar.

Staðsetning á korti

Question 10

Hvernig get ég haft samband ef ég hef fleiri spurningar?

Accepted Answer

Þú getur sent okkur netspjall- eða Facebook skilaboð eða sent okkur tölvupóst með því að smella á hlekkina hér neðst á síðunni.

Algengar spurningar