Allir í sund! 

Nú er kominn tími á að fara skella sér í laugina aftur. Fyrsta  sundlaugaræfing vetrarins verður á sunnudaginn milli kl. 17 og 19.30. í innilauginni í laugardalnum, þeir sem hafa áhuga á að koma með sína eigin báta er bent á að koma að austurenda stúkunnar svona 10- 20 mínutum fyrir æfingu og þá ætti einhver í sundlaugarnefndinni að vera búinn að opna hurðina á timburveggnum. En hafa verður í huga að bátarnir verða að vera hreinir og fínir, engan sand og þara í laugina takk!

Glæsilegt Hvammsvíkurmaraþon lauk sjókayakvertíðinni þetta sumarið.  Fínar aðstæður og Halli gerði sér lítið fyrir og setti glæsilegt brautarmet og fór létt með það.  8 mættu til leiks og kláruðu allir með stæl og fengu að launum magnaða kjötsúpu úr Hvammsvík.  Það varð engin breyting á 1. og 2. sæti frá öðrum keppnum sumarsins, við erum með fasta áskrifendur að þessum sætum, Halla og Óla Einars.  Maraþonúrslit eru hér að neðan ásamt lokastöðu til Íslandsmeistara.  3 bestu mótin telja til stiga, en það eru reyndar bara Halli og Óli sem tóku þátt í öllum fjórum.