Ágætir félagsmenn / English below

Á síðustu dögum hefur verið umræða um notkun á kajökum sem eru í eigu félagsmanna án þeirra leyfis.

Rétt er að árétta að klúbburinn á nokkra kayaka sem félagar geta fengið að láni til að róa frá Geldinganesi. Aðgangur að þessum kajökum er í félagagámi en aðgangur að gámnum er í gegnum hurð sem er á bakvið gáminn sem við göngum inn í búningsaðstöðu.

Ef félagsmönnum langar að prófa aðra tegund af kayak en klúbburinn á þá er sjálfsagt og eðlilegt að spyrja hvort einhver vilji lána viðkomandi. Að taka kayak án leyfis er eðlilega ekki í lagi.

---------------------------------------------------

Dear club members 

In recent days, there has been a discussion about the use of kayaks owned by club members without their permission.

It should be emphasized that the club owns several kayaks, that club members can borrow and row from Geldinganes. Access to these kayaks is in a club container. Access to the kayaks is through a door behind the container that we enter into the changing facilities.

If a club members want to try a different type of kayak then the club owns, it is fine to ask if anyone is willing lend them a kayak. It is strictly prohibited to take a kayak without permission from owner.

F.h. stjórnar

Valgeir

Gleðilegt sumar félagsmenn

Það var fín byrjun á sumrinu hjá þeim sem tóku þátt í fyrsta róðri ársins hjá ferðanefnd í dag. Róið var frá aðstöðu kayaksklúbbsins Sviða á Álftanesi inn í Hafnarfjarðarhöfn að höfuðstöðvum Þyts í Hafnarfirði.

Það biðu ræðara vöfflur og með því sem var kærkomið á þessum fallega degi. Að veitingum loknum fór hluti hópsins til baka.

Samtals tóku 23 ræðarar og 2 bretti þátt í róðrinum þar sem blönduðust saman félagar í Kayakklúbbnum, Sviða og Þyt í skemmtilegum róðri sem fór fram fór fram í blíðskapar veðri og sól á köflum.

Frá og með 1. maí færast róðrar yfir á fimmtudagskvöld. Mæting er kl.18:30 og farið á sjó kl.19.