Jónsmessuróður og Galtaleikarnir.
Veðurspá er með eindæmum góð fyrir helgina og það mun viðra vel bæði til loftárása og útivistar. Galtaleikarnir munu standa alla helgina og Jónsmessuróðurinn sívinsæli verður framinn í Hvammsvík hjá jarlinum. Sjá nánar á korkinum.
Viðey - alveg rakið fyrir nýliða og alla aðra
Endilega fjölmennið við Viðeyjarbryggju
kl. 19.30 og takið þátt í léttum róðri meðfram eynni. Nú er að auka
hróður kayakróðra og veita Steina stuðning. Sjá frétt hér að neðan
Þingvallavatn á laugardaginn
Síðastliðin tvö sumur höfum við farið mjög góðar ferðir um miðjan júní á Þingvallavatn. Þetta er ferð fyrir alla með einhverja reynslu. Kyrrðin og fjallafegurðin á góðum degi er einstök úti á vatninu. Farið um kl. 10 f.h. frá Hestvík við suðurenda vatnsins í hellaeyjuna Klumbru, svo út að Nesey og í Sandey. Þar verður höfð nokkur viðdvöl svo menn geti gengið um og upp á eyjuna. Róið þaðan í Þorsteinsvík, aftur í gegnum Klumbru og yfir Hestvíkina, svo inn hana að vestanverðu. Ferðin tekur bróðurpart dagsins. Nánar á korkinum.
