Korkurinn

  • Engir póstar til að sýna.

Image
Hilmar, Erlingur, Halldór. Mynd: Dóri
Hér fyrir neðan kemur fram að Ólafur B. Einarsson tryggði sér Íslandsmeistaratitilinn í sjókayakróðri karla með sigri á Suðureyri um helgina en í sömu keppni læsti Heiða Jónsdóttir klónum í Íslandsmeistaratitilinn í kvennaflokki. Hún er nú með 180 stig, 80 stigum fleiri en harðvítugir keppinautar hennar í 2.-3. sæti. Miðað við útreikninga keppnisnefndar þarf Heiða aðeins að tryggja sér 21 stig í Hvammsvíkurmaraþoninu til að landa titlinum. Hún gæti sem sagt lent í 12. sæti (22 stig) og samt orðið meistari. Með öðrum orðm þarf hún aðeins að ljúka keppni því aldrei hafa svo margar konur tekið þátt í þessari móður allra íslenskra sjókayakkeppna. Forfallist Heiða af einhverjum orsökum eiga þrjár konur fræðilegan möguleika á að hrifsa af henni Íslandsmeistaratignina; Helga Einarsdóttir (nú með 100 stig), Shawna M. Franklin (nú með 100 stig) og Anna Lára Steingrímsdóttir (nú með 80 stig). Úrslit eru sem sagt alls ekki ráðin í kvennaflokki þótt Heiða hljóti að teljast afar sigurstrangleg.
Hér fyrir neðan fylgja úrslit á Suðureyri og upplýsingar um stöðuna í Íslandsmótinu.

Klúbburinn

Image
Suðureyri 2008
Nú styttist óðfluga í 10 keppnina á Suðureyri sem er haldin laugardaginn 11. júlí en samhliða henni er haldin hátíðin Sæludagar á Suðureyri. Vestfirðir skarta sínu fegursta um þessar mundir - og voru þeir þó fagrir fyrir. Enginn kayakmaður eða -kona svikin af þátttöku í þessum hressilega róðri.  Strax í kjölfar 10 km keppninnar er keppt um Jarlsbikarinn sem er sprettróður milli Suðureyrar og Norðureyrar í Súgandafirði. Jarlsbikarinn er til minningar um Þorleif Guðnason sem bjó á Norðureyri á árunum 1918 -1971 og reri næstum daglega árabáti sínum þarna  á milli. Ræst verður í 10 km keppninni kl. 13:00

Klúbburinn

Image
Ein af mögrum ágætum myndum frá Guðmundi Tómassyni, http://www.flickr.com/photos/gtomasson/page1/
Tungufljótskappróðurinn tókst með miklum ágætum og mættu 16 manns til keppni í rjómablíðu og rúmlega 20° hita. Keppnin fór þannig fram að þessum 16 var skipt niður í fjóra fjögurra manna riðla og komust tveir úr hverjum riðli áfram í milliriðil. Þeir átta sem komust áfram voru Kristján Sveinsson, Thomas Altmann, Johan Holst, Garðar Sigurjónsson, Aðalsteinn Möller, Ragnar Karl Gústafsson, Haraldur Njálsson og Guðmundur Kjartansson. Þessum átta ræðurum var skipt í tvo fjögurra manna riðla og var mjög hart barist í milliriðlinum og sáust oft stórgóð tilþrif í baráttunni um bestu staðina í flúðunum. Þessum átta vegnaði að sjálfsögðu misvel í baráttunni en þeir sem komust áfram úr milliriðlum voru Johan Holst, Ragnar Karl Gústafsson, Aðalsteinn Möller og Thomas Altmann. Það er skemmst frá því að segja að menn börðust eins og ljón niður alla brautina og var mjög stutt á milli keppenda í lokamarkinu.

Klúbburinn

Fleiri greinar...

  1. Aflýst: 3.-5. júlí, Arnarstapi, Hellnar
  2. Tungufljóts Riverrace
  3. Jónsmessuróður í Hvammsvík á þriðjudagskvöld
  4. Ólafur B. fékk Bessastaðabikarinn
  5. Sprettróður á Norðfirði - úrslit

Öryggisbæklingar

Öryggisbæklingur Landsbjargar og Kayakklúbbsins
Öryggisbæklingur British Canoeing

Dagatalið

Tög