Sæll Ingi.
Já þetta er áhugavert og ég ætla að skoða málið. Vegalengd sem róa þarf er líklega um 15 km þótt stysta loftlína frá strönd að Elliðaey sé e.t.v. 7-8 km. Svo er það sjólag, vindur og straumur. Gaman væri að róa til Eyja, það er langt síðan ég var í lunda í Bjarnarey. Hins vegar var ég á því að hætta að hugsa um þetta þegar ég fór á slóðina sem þú gafst og lenti fljótlega á \"ókindar\" hryllingsmyndum. Ég kom eitt sinn ásamt vinum á Zodiac upp í sandinn norðan í Surtsey og þar var mökkur af sel og hreyfðu sig ekki þótt við gengjum til þeirra. Skýringin var hjörð háhyrninga sem sveimuðu fyrir utan og biðu eftir gómsætum bita.
Kveðja,
GHF