10 fóru af stað kl 10. Orsi, Maggi, Sveinn Axel, Karl Guðmundur, Gummi B, Lárus, Gunnar Ingi(með kleinur), Páll,Andri og ég.
Til að gera stutta sögu styttri þá var róið í bongó blíðu norðurfyrir Viðey og Engey. Þar var áð og síðan var tekin stefnan í suður inn í gömlu höfn þar sem Tónlistarhúsið var tekið út. Okkur sýndist að það tæki nokkra mannsaldra að klára það miðað við núverandi framkvæmdahraða. Eftir að hafa skoðað húsið var róið meðfram hálfkláruðu milljarðamæringagettói sem rís eins og ókleifir tindar við Sæbrautina. Svo nærri var farið að heyra mátti myndavélarnar smella af í gríð og erg. Maður er nú ekki vanur svona athygli og kæmi manni ekki á óvart þó að sölukippur yrði hjá þeim í Sportbúðinni.
19 km lágu skv . Gps. Fínn og áreynslaus róður. Get sent trakkið ef menn vilja. Þið sem það viljið sendið mér póst á Ingisig@gmail.com. Einhverjir hafa fengið það sent nú þegar.
kv.
Ingi
