Sjókayaknámskeið 2012

Námskeið eru plönuð í febrúar, mars, apríl og maí.

Byrjendanámskeið, veltunámskeið og framhaldsnámskeið í áratækni

Nánari upplýsingar með því að smella á "Read more"  ...

Gamlársdagsróðurinn verður á hefðbundnum tíma á gamlársdag. Mæting er kl. 9:30 og lagt af stað kl. 10:00.

Veðurspá er bærileg.  Það á að hlýna nokkuð en gæti blásið eitthvað úr suðri.  Róðurinn er hugsaður fyrir alla sem áralúffu geta valdið.

Þetta verður ekki langur róður - á að giska 2 - 2,5 tímar.  Kaffistopp verður á miðri leið svo rétt er að taka með sér heitt á brúsa og hafa meðferðis skjólföt svo ekki slái að fólki.
Sjáumst vonandi sem flest,

Síðast en ekki síst: Gleðilegt nýtt (nýja?) kayakár og takk fyrir það gamla !

Út er komin fyrsta íslenska bókin um kajakmennsku, Sjókajakar á Íslandi, eftir Örlyg Sigurjónsson og útgefandi er Kayakklúbburinn.

Í bókinni er ágrip af sögu sjókajakmennsku á Íslandi og síðan er farið skipulega í róðrartækni, björgun, rötun og margt fleira. Margar myndir og skýringateikningar eru í bókinni.

Við viljum benda klúbbfélögum á að hægt er að kaupa hana í GG Sjósport Súðarvogi 42,  Sportbúðinni Krókhálsi 5, Iðnú Brautarholti 8 og M&M Laugavegi.

Verð er 3500 og 10% afsláttur fyrir klúbbfélaga í GG Sjósport og Sportbúðinni. Bókinni verður síðan dreift á fleiri útsölustaði á næstunni.

Útgáfa bókar af þessu tagi er markverður áfangi í kajakmennsku hér á landi og er það klúbbnum mikið ánægjuefni að sjá yfirlitsrit sem þetta útgefið á 30 ára afmæli klúbbsins.

Góða skemmtun.

Stjórnin

Áfram heldur haustdagskráin.

Uppskeruhátíð kayakfólks fór fram með pompi og prakt á laugardagskvöldið var.  Hún var nú í fyrsta sinn haldin á vegum SÍL ásamt skútufólki og heppnaðist með miklum ágætum að blanda þessu saman.

Eini Íslandsmeistarinn sem gat mætt var Íslandsmeistari karla í sjókayak, Ólafur Einarsson og var honum afhendur farandbikarinn við dynjandi lófatak.  Helga Einarsóttir, meistari kvenna á sjókayak var fjarri góðu gamni á Vestfjörðum og straumkayakmeistarinn, Jón Skírnir, er í Sviss í sínu námi.

Kayakkona ársins, Þóra Atladóttir, var á staðnum og tók við sinni viðurkenningu ásamt sjálfboðaliða ársins, Örlygi Sigurjónssyni.  Kayakmaður ársins, Magnús Sigurjónsson, var hins vegar fjarstaddur í þetta skipti.  Umsagnir um þetta sómafólk má sjá með því að smella á Read more ...