Félagsróður 15. nóv. 2008

Vel mælt með \"stýrðar\" aðstæður - því metrarnir 22 stýrðu félögum beint yfir hafið á vit golfklúbbsins þar í austri En sumir vildu ekki hlýða því og stýrðu sér í land gegnt Vættaborgum, eins og þeir vildu kíkja í heimsókn hjá fyrrverandi formanni klúbbsins. Eins og hann gæti eitthvað stýrt veðrinu. En nei, þá völdu ræðarar að marséra hnarreistir með báta og búnað eins og rígmontnir hreppstjórar. Þetta var furðulegasti félagsróður lengi. Og í þokkabót vildi einn breyta þessu í félagabjörgunaræfingu og fékk sínu framgengt maðurinn. Ég var ekki í þessum róðri. Fannst allt of mikið rok og fór heim að kúra. En þá hringir Gísli til að spyrja hvar hinir ræðararnir séu. Þeir voru þá týndir. Ég leit út um svefnherbergisgluggann heldren ekki ruglaður og hélt að það væru þrír-fjórir ræðarar komnir niðrá Snorrabraut. Mér snarbrá. Enginn þar og Gísli kvaddi óðara. Það var og.

Stundum er sagt að það gerist fátt í félagsróðrum. Einstaka sinnum eru þeir giska tíðindalitlir seiseijú en þessi sker sig alveg úr hvað varðar ævíntýr og uppátæki.

Það liggur kannski ekki alveg í augum uppi hvað menn eru að flækjast út í svona veðri. En ég fyrir mitt leyti vill frekar reyna mig við þessar aðstæður með reyndum félögum við allt að því \"stýrðar aðstæður\" en að lenda í þesskonar veseni óforvarandis einhverntíman í framtíðinni. Það vill svo til að því stressaðri sem maður er við óvæntar aðstæður því líklegra er að illa fari og sömuleiðis er betra að mæta einhverju sem maður hefur að einhverju leyti upplifað áður. Því miður er veður hér við land óstabílt og svona aðstæður sem voru í gær geta skollið á jafnvel um mitt sumar.
kveðja,
Ingi

Sex bátar fóru á sjó innan við eiðið. Vindur var hvass vestan til norðvestan og mælingar hjá Veðurstofunni sýna 16 m/s upp í 22 m/s vindhviður kl. 11 á Geldinganesi. Eftir eina veltu var haldið undan vindi með landi, sumir fóru í land og sóttu bátana á bíl en við Páll R og Ingi fórum inn í víkina neðan við Korpúlfsstaði og var þar gott skjót fyrir kaffisopann. Það mátti síðan ekkert gefa eftir til að komast til baka. Þetta var heldur stuttur dagur, en þó nægjanleg áreynsla fyrir daginn.
Kveðja, GHF.