Félagsróður/Þorraróður - 6. febrúar

Það voru 10 bátar á sjó í gær og eins og stundum áður var veðrið skárra en veðurspár höfðu gefið til kynna.
Lagt var upp með það að róa Geldinganeshring en þegar á sjó var komið þá var ákveðið að bæta við Þerneyjarkrækju.
Tíðindalítill róður.

Eftir róðurinn beið Þorraveisla og við bættist nokkur fjöldi félagsmanna sem gleypti í sig saltað selspik, hákarl og annað "góðgæti".

Takk fyrir skemmtilega morgunstund.

Ég smakkaði selspikið um helgina og það er orðið fullverkað, gríðarlega gott á mælikvarða spiks
Treysti því að Þorrakóngurinn mæti líka með hefðbundnari þorramat.

Kv,
Andri

Undirrituð verður þess heiðurs aðnjótandi að stýra þorraróðri á laugardaginn.
Það verður ekki venjulegur félagsróður því að eftir róður mun Þorrakóngurinn Sveinn Axel Sveinsson framreiða þorramat í boði klúbbsins.
Selspik fyrir þá sem vilja í boði Andra....

Veðurspáin er ágæt en ís gæti sett okkur skorður.
Skv. þeim sem réru í gær voru fáar róðrarleiðir færar.
Við sjáum til og ákveðum leið á pallinum.

Hvetjum félagsmenn til að fjölmenna, hvort sem er í róður eða mat, eða bara í mat.
Skora á þá sem þora og hafa heilsu til að taka ísveltu og fá sér svo saltað selspik (hvort er skárra???).

Sjáumst á sjó á laugardaginn.
Klara.