Félagsróður 18.01.2020

Það var örugglega Valgeir sem vantar í upptalninguna hjá þér.

Mér taldist 13 stykki. Á palli var tekin sú ákvörðun að fara Þerneyjarhring. Hópurinn skiptist við Leirvogin og héldu Eymi og Jón Kristinn til vesturs í styttri róður og hringuðu Geldinganesið. Á eftir hópnum voru Unnur Ester Gummi B og Gísli H.F. sem fóru sér að engu óðslega og fóru sömu leið og hinir fyrrnefndu. 7 ræðarar : Hörður, Sveinar tveir annar Elmar og hinn Möller ásamt Maríu og Söruh og einum sem ég man ekki nafnið á í augnablikinu. Þetta var þægilegur róður en vindur kom af austri 4-6msek en vestan alda sem var ansi llöng mætti okkur við vesturenda Þerneyjar. Það var smá skælingur á liðinu á leggnum að vesturenda Geldinganessins en þaðan var svo að segja sléttur sjór inn að eiðiinu. Fallegt veður og allsekki eins kalt og það leit út fyrir fyrr um morguninn.  Nokkrir selir á ferðinni en annars tíðindalítill róður.
kv
Ingi

Það var vel mætt í róður en ég er ekki með fjöldann. Við Gummi Breiðdal fórum Geldinganeshring til að fylgja Unni og Ester, en Ester er óvön. Veður var gott, smá vindalda út frá Mosfellsdal og undiralda við Helguhól.
Gott væri að fá frásögn frá öðrum sem voru á sjó.

Jæja - það er kominn tími til hrinda fari sínu á flot - og láta "sjóða á keipum".

Ótíð hefur verið slík undanfarnar vikur að klúbbróðrar hafa fallið niður þrjá laugardaga í röð.

Margt var vel gert á umliðnu ári og vil ég nefna eitt minnisstætt. Það var þegar við vorum öryggisræðarar fyrir Viðeyjarsundkappa. Þá varð einn báta björgunarsveitar vélarvana og Unnur Eir tók þann bát í tog nokkurn spotta. Þetta má færa í sögubækur: Þegar ræðari Kayakklúbbsins bjargaði björgunarbát.

Gott veður og dag tekið að lengja - sjáumst!