Klúbburinn

Vorhátíðin og Reykjavíkurbikarinn gengu sérlega vel fyrir sig. Veðurspáin var tvísýn dagana fyrir keppni og var spáð allmiklum vindi. Það rættist hins vegar úr veðri og kjöraðstæður voru fyrir keppni. Sumir keppendur höfðu þó á orði að vindur og sjólag hefði mátt vera meira krefjandi til að bæta stöðu báta með góða sjóhæfni en eru hlutfallslega hægari í mildu sjólagi.

Alls voru 19 ræðarar sem tóku þátt í keppninni að þessu sinni. Róið var réttsælis umhverfis Geldinganesið og þaðan róinn hringur umhverfis bauju í Blikastaðakrónni (hólmi var ekki hringaður)

Það voru 15 ræðarar sem tóku þátt í 10 km róðri karla. Að þessu sinni kepptu allir í flokki ferðabáta (enginn keppnisbátur). Sigurvegari varð Ólafur Einarsson og næstir komu Sveinn Axel og Eymundur. Grænlensku árarnar sem hafa mikið verið notaðar á undanförnum vikum voru hvíldar og fimm efstu menn notuðu vængárar.

 

Í 10 km róðri kvenna sigraði Þóra Atladóttir (eins og í fyrra), tveir keppnedur tóku þátt.

Í 3 km róðri kvenna voru tveir keppendur og sigraði María Breiðdal (eins og í fyrra).

Enginn keppandi var í 3 km róðri karla.

Keppnisúrslit eru í töflunni að neðan.

Keppnisnefnd vill þakka öllum sem aðstoðuðu við Vorhátíðina, þar ber sérstaklega að nefna:
• Björgunarsveitina Kjölur sem sá um gæslu
• Áhöfn þyrlunnar
• RÚV fyrir að sýna viðburðinum áhuga

 

10 km karlar - Ferðabátar

Röð Nafn Tegund báts Árategund Tími
1 Ólafur Einarsson Point 65 - XP 18 Væng 0:58:10
2 Sveinn Axel Sveinsson Kirton - Inuk Væng 0:59:19
3 Eymundur Ingimundarson Valley Aquanaut Væng 0:59:41
4 Guðmundur Breiðdal Kirton - Inuk Væng 1:03:05
5 Þorbergur Karlsson Qajak Sea Wolf Væng 1:03:39
6 Gunnar Ingi Gunnarsson Valley Nordkapp LV Euro-ár 1:04:52
7 Einar Kristinsson Qajak Sea Wolf Euro-ár 1:05:04
8 Egill Þorsteins Tahe-Greenlander T Euro-ár 1:05:43
9 Páll Gestsson Valley Nordkapp LV Euro-ár 1:05:47
10 Páll Reynisson Explorer HV Euro-ár 1:06:01
11 Smári Ragnarsson Valley Nordkapp Euro-ár 1:07:04
12 Össur Imsland Whisky Euro-ár 1:07:45
13 Ágúst Ingi Sigurðsson Bahiya Væng 1:10:10
14 Stefán Árnason Whisky Euro-ár 1:10:51
15 Karl Valdimar (Kaldi) Capella Euro-ár 1:10:55

 

10 km konur - Ferðabátar

Röð Nafn Tegund báts Árategund Tími
1 Þóra Atladóttir Valley Nordkapp LV Euro-ár 1:09:30
2 Klara Bjartmarz NDK Romany Euro-ár 1:14:15

 

3 km konur - Ferðabátar

Röð Nafn Tegund báts Árategund Tími
1 María Lovísa Breiðdal Valley Nordkapp Euro-ár 0:22:59
2 Katla Guðrún Gunnarsdóttir Kitiwec Euro-ár 0:24:27