Félagsróður 28. mars

Róðrarstjóri fór að heiman í morgun í þéttri snjókomu og var ekkert of bjartsýn á róðrarveður. En viti menn, þegar komið var á Geldinganesið var glampandi sól og hið fallegast vetrarveður. Tólf bátar á sjó og róið var Geldinganes - Lundey. Frábærar aðstæður með smá úthafsöldu eftir rokið undanfarið en ekkert sem kom hópnum úr jafnvægi.

Takk fyrir skemmtilegan róður, sjáumst næst.
Klara.

Nokkrar Myndir frá róðrinum

Það verður félagsróður á morgun, sami staður og sami tími.
Skv. veðurspá blæs nokkuð í kvöld (SV átt) og nótt til tilbreytingar en það ætti að vera byrjað að lægja í fyrramálið.
Hitastig vonandi rétt yfir frostmark, fjara um 7 og flóð upp úr 13.
Róðrarleið verður ákveðin á pallinum en ef veður og aðstæður leyfa þá er aldrei að vita nema að það verði eitthvað eyjahopp. Síðast var það Þerney, á morgun verður það ?

Sjáumst hress á morgun.
Kveðja,
Klara.